{ಬದುಕು ಅನೇಕ ಮಗ್ಗಲನ್ನು ಕಾಣುತ್ತಿದೆ. ಬಾಲ್ಯದಲ್ಲಿ ಕಂಡ ಮರ,ಅಜ್ಜಿ ಮತ್ತು ಸುತ್ತಲ ಪ್ರಪಂಚವು ಹಾಗೆ ಇದೆ. ಅದರೆ ಕ್ರಿಯಾಶೀಲತೆಯು ಬೇರೆ ಮಗ್ಗಲನ್ನು ಕಂಡಿದೆ. ಈ ಕುರಿತು ಒಂದು ಪದ್ಯ ಇಲ್ಲಿದೆ.}
ನನ್ನೂರು. com
ನನ್ನೂರಿನಲ್ಲಿ
ಬೆಳಗಿತ್ತು ಹಕ್ಕಿಗಳ ಚಿಲಿಪಿಲಿ ಇಲ್ಲ
ಮರವಿತ್ತು ನೆರಳಿಲ್ಲ
ಅಜ್ಜಿ ಇದ್ದಳು
ಕತೆ ಕೇಳುವರಿಲ್ಲ
ನನ್ನೂರಿನಲ್ಲಿ
ಅಂಗಳವಿತ್ತು
ರಚುಕ್ಕಿಯಿಟ್ಟ ರಂಗೋಲಿ ಇಲ್ಲ
ತಂಬೂರಿ ಇತ್ತು
ಮೀಟುವ ಕೈ ಇಲ್ಲ
ಕೊರವಂಜಿ ಇದ್ದಳು
ಕಣಿ ಹೇಳುತ್ತಿರಲಿಲ್ಲ
ನನ್ನೂರಿನಲ್ಲಿ
ಸಾರಾಯಿ ಇತ್ತು
ಹನಿ ನೀರಿಲ್ಲ
ತಬ್ಬಲಿಗಳ ನೋವಿತ್ತು
ಆಲಿಸುವ ಕಿವಿ ಇಲ್ಲ
ಓದಿದವರ ಪಡೆ ಇತ್ತು
ಊರು ಕಟ್ಟುವ ಮನಸ್ಸಿಲ್ಲ
ನನ್ನೂರು ಬೀದಿ ದೀಪಗಳಿಂದ ಝಗಮಗಿಸಿತ್ತು
ಇದ್ದ ಎಲ್ಲ ಮನೆಗಳಲ್ಲಿ ಬೆಳಕು ಬೆಳಗಿತ್ತು
ಆದರೆ ಮನದ ಕತ್ತಲು ಹಾಗೇ ಉಳಿದಿತ್ತು.
No comments:
Post a Comment